Co funcziuna ICE?
- Memorisai en Voss telefonin in contact cun il num: ICE (In Case of Emergency), per exempel: ICE-mamma ubain ICE-um
(Controllai ch’ins chattia era il contact sut ICE. Eventualmain è il contact vegnì memorisà sut “Um, ICE”. Uschia èsi natiralmain strusch pussaivel da chattar el.)

- Inditgai il numer da la persuna giavischada en il format: +41 81 999 99 99*
(Betg emblidar la staila: savens avais Vus gia memorisà il numer sut il num correct da la mamma, da la dunna, da l’um, etc. Uschia na chaschunais Vus nagins disturbis tecnics cun dus numers da telefon identics.)

- Infurmai la persuna pertutgada che Vus avais memorisà ella sco contact ICE.

Quai è gia tut! Vus pudais natiralmain era memorisar pliras persunas sco contacts ICE, per exempel: ICE1-dunna, ICE2-bab, ICE3-..., etc.

 
Danunder vegn ICE?
ICE deriva da l’Engalterra. Suenter l’attatga terroristica en la viafier sutterrana da Londra ils 7-7-2005, ha l’acziun ICE chattà grond interess e sustegn en la populaziun.

Pertge ICE?
Schebain che l’abreviaziun ICE n’è betg anc vegnida declerada sco standard internaziunal, vegn ella utilisada uschia en differents pajais. Tenor nus èsi endretg ed inditgà da sustegnair ina soluziun internaziunala.

Tge pudais Vus uss anc far?
Sustegnai l’acziun “En cas d’urgenza: ICE” cun raquintar a Voss amis, enconuschents, collegas da lavur, etc. da la pagina d’Internet www.imnotfall.ch. Colliai ella cun Vossa pagina Web, per che uschè bleras persunas sco pussaivel memoriseschian in contact ICE e gidian uschia a gidar lur gidanters.

Avais Vus dumondas? Contactai nus nunliantamain!

© 2007 by www.cdesign.ch